Cy gist monseigneur Jehan, filz du très-noble roy de France Philippe de Valloys, qui par grant dévotion feist dédier ceste église l'an mil troys cens trente, le douziesme jour de février, assistans vingt et deux évesques et deux archevesques, lesquelz, par privilège spécial à eulx donnée en cest part de Jehan Vingt-deuxiesme pape, à la requeste dudit roy Philippe, donnèrent chacun cent jours de pardon à ceulx et celles qui visiteroyent icelle église le jour de la dédicace. Et mourut ledit Jehan bien jeune aage, l'an mil troys cents trente troys, le second jour d'octobre, ainsy qu'on a trouvé en ung sercueil de plomb, droit au milieu de ce cueur, devant le grand-autel, l'an mil cinq cents vingt troys, le vingt sixiesme jour d'avril.