Le chevecier de ceste église ou son commis à dire la première messe en icelle est tenu par fondacion sur ce faicte du consentement de revérend père en Dieu monseigneur l'évesque de Paris de dire continuellement et par chacun jour à tousjours après icelle messe finye le psalme de De profonfis et les oraisons des trespassez pour le salut de l'âme dudit Boucandry, prebstre, de tous ses parans et amys trespassez et des fondateur de jegter de l'eau benoiste sur la tumbe et aux assistans audict, ainsy qu'il est convenu plus à plain au contract ès lettres de ladite fondacion faictes et passez soubz le seel de la prévosté de Paris, l'an mil cinq cens, le samedy xiiij. jour de novembre.